ભારતે અમેરિકા માટે પોસ્ટ સેવાઓ બંધ કરી
હવે પાર્સલ નહીં, ખાલી લેટર અને ગિફ્ટ જશે.ભારતે અમેરિકા માટે પોસ્ટ સેવાઓ બંધ કરી.અમેરિકામાં મોકલાતી દરેક વસ્તુ પર કસ્ટમ ડ્યૂટી . પોસ્ટ વિભાગે અમેરિકા માટે પોસ્ટ સેવાઓને હંગામી ધોરણે રોકવાનો ર્નિણય લીધો છે. આ પગલું અમેરિકા સરકારે હાલના એક્ઝીક્યુટિવ ઓર્ડર નંબર-૧૪૩૨૪ના કારણે ઉઠાવ્યું છે. ઓર્ડર અંતર્ગત ૨૯ ઓગસ્ટ, ૨૦૨૫થી ૮૦૦ ડોલર સુધીની વસ્તુઓ પર મળતી ડ્યૂટી ફ્રી છૂટ ખતમ કરી દીધી છે.
હવે અમેરિકામાં મોકલાતી દરેક વસ્તુઓ પર કસ્ટમ ડ્યૂટી લાગશે. જાે કે, ૧૦૦ ડોલર સુધીની ગિફ્ટ આઈટમ અને લેટર/ડોક્યુમેન્ટ પહેલાની માફક સ્વીકારવામાં આવશે. અમેરિકાના કસ્ટમ અને બોર્ડર પ્રોટેક્શને અમુક ગાઈડલાઈન જાહેર કરી છે. પણ ડ્યૂટી વસૂલી અને બીજી ટેક્નિકલ પ્રોસેસને લઈને સ્થિતિ હજુ પણ સ્પષ્ટ નથી. આ જ કારણથી એરલાઈન્સે ૨૫ ઓગસ્ટ ૨૦૨૫થી અમેરિકા માટે પાર્સલ અને બીજા સામાન મોકલવાની ના પાડી દીધી છે. ગ્રાહક જાે પહેલાથી અમેરિકા માટે સામાન બુક કરી ચૂક્યા છે, તો તે પોસ્ટેજ રિફંડ લઈ શકે છે. પોસ્ટ વિભાગે કહ્યું કે, સ્થિતિ પર સતત નજર રાખી રહ્યા છીએ અને સેવાઓ ટૂંક સમયમાં ફરી શરુ કરવાની પૂરતી કોશિશ કરવામાં આવશે.
આપને જણાવી દઈએ કે, અમુક સોશિયલ મીડિયા પોસ્ટમાં દાવો થઈ રહ્યો છે કે ઈંડિયા પોસ્ટ ૧ સપ્ટેમ્બર ૨૦૨૫માં રજિસ્ટર્ડ પોસ્ટ સર્વિસ બંધ કરવા જઈ રહ્યા છે. પ્રેસ ઈન્ફોર્મેશન બ્યૂરોએ દાવાની પડતાલ કરી છે. પીઆઈબીએ સ્પષ્ટ કરી દીધું છે કે રજિસ્ટર્ડ પોસ્ટ બંધ નથી થઈ રહી, પણ તેને સ્પીડ પોસ્ટમાં મર્જ કરવામાં આવી રહ્યું છે. રજિસ્ટર્ડ પોસ્ટની જરુરી તમામ સુવિધાઓ પહેલાની માફક મળતી રહેશે. હવે રજિસ્ટર્ડ પોસ્ટની સુવિધાઓ સ્પીડ પોસ્ટ અંતર્ગત મળશે, જેનાથી લોકોને ફાયદો થશે અને સેવાઓમાં કોઈ કમી નહીં આવે
