હાલમાં પીએમ મોદી સેલવાસમાં એક જાહેરસભાને સંબોધન કરી રહ્યા છે. પીએમ મોદીએ કહ્યું કે, “દાદરા નગર હવેલી આપણી વિરાસત છે. અહીંના વિકાસ માટે અમે કટિબદ્ધ છીએ. દાદરા નગર હવેલીની ઓળખાણ ટૂરિઝમથી છે. તેને આધુનિક સેવાઓ માટે ઓળખવામાં આવે છે. સેલવાસની એક નવી ઓળખ ઊભી થઈ રહી છે.”
સેલવાસ: પ્રધાનમંત્રી નરેન્દ્ર મોદીએ કેન્દ્ર શાસિત પ્રદેશ દાદરા અને નગર હવેલી તથા દમણ અને દીવના સેલવાસમાં નમો હોસ્પિટલના પ્રથમ તબક્કાનું ઉદ્ધાટન કર્યું છે. બપોરે 2 વાગ્યે સુરત પહોંચ્યા અને અહીંથી કેન્દ્ર શાસિત પ્રદેશ સેલવાસ માટે રવાના થઈ ગયા. તેમણે અહીં 450 બેડવાળી નમો હોસ્પિટલનું ઉદ્ધાટન કર્યું. તેની સાથે 650 બેડની ક્ષમતાવાળા બીજા તબક્કાનો શિલાન્યાસ પણ કર્યો. ત્યારબાદ સેલવાસમાં તેમણે 2587 કરોડ રૂપિયાના વિવિધ પ્રોજેક્ટનું ઉદ્ધાટન અને શિલાન્યાસ પણ કર્યો.
હાલમાં પીએમ મોદી સેલવાસમાં એક જાહેરસભાને સંબોધન કરી રહ્યા છે. પીએમ મોદીએ કહ્યું કે, “દાદરા નગર હવેલી આપણી વિરાસત છે. અહીંના વિકાસ માટે અમે કટિબદ્ધ છીએ. દાદરા નગર હવેલીની ઓળખાણ ટૂરિઝમથી છે. તેને આધુનિક સેવાઓ માટે ઓળખવામાં આવે છે. સેલવાસની એક નવી ઓળખ ઊભી થઈ રહી છે.”
પીએમ મોદીએ આપ્યો ફિટનેસ મંત્ર
પીએમ મોદીએ અહીં ફિટનેસ મંત્ર પણ આપ્યો હતો. પીએમ મોદીએ કહ્યું કે, મોટાપો એવી બીમારી છે, જે કેટલીય બીમારીનું કારણ બને છે. હાલમાં જ મોટાપાની સમસ્યા પર એક રિપોર્ટ આવ્યો છે. આ રિપોર્ટ કહે છે કે, 2050 સુધી 44 કરોડથી વધારે ભારતીય મોટાપાનો શિકાર થઈ જશે. આ આંકડા ડરામણા છે. તેનો અર્થ એ છે કે, દર ત્રણમાંથ એક વ્યક્તિ મોટાપાના કારણે ગંભીર બીમારીઓની ચપેટમાં આવી શકે છે. આ મોટાપા જીવલેણ બની શકે છે. આપણે અત્યારથી આવી સ્થિતિને ટાળવાના પ્રયાસો કરવા જોઈએ. પીએમ મોદીએ કહ્યું કે, ફિટ રહેવા માટે આપણે બધાએ ખાવાના તેલમાં 10 ટકાનો કાપ મુકવો જોઈએ. તેની સાથે જ આપણે એક્સરસાઈઝને જીવનનો ભાગ બનાવવો જોઈએ. સંડે ઓન સાઈકલ પણ ફાયદાકારક છે. રોજ અમુક કિમી પગપાળા ચાલાવાની આદત પાડો.
સ્વસ્થ દેશ જ મોટો લક્ષ્ય પ્રાપ્ત કરી શકે
પ્રધાનમંત્રીએ કહ્યું કે, આજે દેશ વિકસિત ભારતના સંકલ્પને સિદ્ધ કરવામાં લાગેલો છે. એક સ્વસ્થ દેશ જ દેશના લક્ષ્યને પ્રાપ્ત કરી શકે છે. જો આપ ખાવાના તેલમાં કાપ મુકશો તો ખુદને ફિટ રાખશો તો આ વિકસિત ભારતની યાત્રા માટે મોટું પગલું હશે.
પીએમ મોદી લગભગ 5 વાગ્યે સેલવાસથી સુરત જશે. અહીં એરપોર્ટથી લિંબાયત સુધી તેઓ 3 કિમી લાંબો રોડ શો કરશે. આ દરમિયાન તેમના સ્વાગત માટે દર 100 મીટર પર 30 મંચ બનાવ્યા છે. ત્યારબાદ લિંબાયતના નીલગિરી ગ્રાઉન્ડમાં જાહેર સભાને સંબોધન કરશે. પીએમ સુરતમાં જ રોકાણ કરશે અને કાલે સવારે નવસારી જશે. સુરતના કાર્યક્રમમાં એક લાખથી વધારે લોકો સામેલ થવાના છે. કાર્યક્રમમાં આવનારા લોકો માટે બસો અને વાહનોની ખાસ વ્યવસ્થા કરાઈ છે.
