પૂ. જીગ્નેશદાદાની ભાગવત સપ્તાહઃ વિશાળ શોભાયાત્રા ભવ્ય બાઇક રેલી નિકળશે

વિશ્વના સૌથી મોટા લોહાણા મહાજન ” રાજકોટ લોહાણા મહાજન દ્વારાવિશ્વવિખ્યાત ભાગવતચાવ પૂ. જીગ્નેશદાદાના વ્યાસાસને ચૈત્રી નવરાત્રી ૩૦ માર્ચથી ૫ એપ્રિલ, ૨૦૨૫ દરમ્યાન રાજકોટના વિશાળ રેસકોર્ષ મેદાન ખાતે ૧૦૮ શ્રીમદ્ ભાગવત સપ્તાહનું જાજરમાન આવોજન કરવામાં આવ્યું છે. જેમાં લાખો ભાવિકો-વૈષ્ણવો સનાતનીઓ ૧૦૮ પોથીજીના દર્શન કરીને ધન્ય બનશે. સર્વત્ર “રાધે રાધે” ના નાદ સાથે સમગ્ર સૌરાષ્ટ્ર-રાજકોટ કૃષ્ણમય બની જશે જેમાં કથાનો સમય દરરોજ બપોરે ૩ થી અંજે ૭ વાગ્યા સુધીનો રાખવામાં આવ્યો છે. દરરોજ કથાવિરામ બાદ હજારો ભાવિકો માટે મહાપ્રસાદની પણ સુંદર વ્યવસ્થા.

ભાગવત સપ્તાઇના પ્રારંભે પોથી યાત્રા તા. ૩૦ માર્ચના રોજ બપોરે બે વાગ્યે રાજકોટના વિરાણી ચોકથી અદ્યતન સાઉન્ડ સિસ્ટમ ડી.જે.ના સથવારે વિશાળ શોભાયાત્રા નિકળશે. જેમાં હજારો યુવાનો સાફા બાંધીને ડ્રેસકોડ સાથે ભવ્ય બાઇક રેલી સાથે જોડાશે. શોભાયાત્રામાં સેકડો બાઇક ઉપરાંત વિન્ટેજ કાર, મર્સિડીઝ , ઓડી,બી.એમ. ડબલ્યું. મારૂતિ સહિતની ગાડીઓનો વિશાળ કાફલો, રથ, બગી, ઘોડાગાડી સહિતના આકર્ષણો જમાવટ કરશે રાજકોટના વિવિધ મહિલા મંડળો પણ ટ્રેડીશનલ ડ્રેસમાં રાસ-ગરબાની રમઝટ બોલાવશે. પવિત્ર પોથીજીને વાજતે-ગાજને રેસકોર્ષ મેદાન ખાતે વ્યાસપીઠ સુધી લઇ જવામાં આવશે. વિરાણી ચોકથી લઈને મ્યુનિસિપલ કમિશ્નર બંગલો, નરસિંહ મહેતા ગાર્ડન થઇને યાજ્ઞિક રોડ, જાગનાથ મહાદેવ મંદિરેથી અકિલા ચોક થઈ ને શોભાયાત્રા રેસકોર્ષ મેદાન ખાતે પહોંચશે. ભાગવત સપ્તાહને દરરોજ “ અકિલા લાઇવ” ના માધ્યમથી વિશ્વના લાખો લોકો ઘરબેઠા સાંભળી-નિહાળી શકે તે માટે પણ સંપૂર્ણ નેટવર્ક તૈયાર કરવામાં આવી રહ્યું છે.

• ભાવિકોમાં અદમ્ય ઉત્સાહ: બાઇક રેલીમાં નામ નોંધાવવા મો. ૯૫૩૭૭ ૧૧૭૭૪ ઉપર સંપર્ક કરો : સાથે સાથે પોથીજીની નોંધણી પણ પૂરજોશમાં ચાલી રહી છે.
• ચૈત્રી નવરાત્રી ૩૦ માર્ચથી ૫ એપ્રિલ 2025 દરમ્યાન રાજકોટના વિશાળ રેસકોર્ષ મેદાન ખાતે લાખો ભાવિકો-વૈષ્ણવો-સનાતનીઓ ૧૦૮ પોથીજીના દર્શન કરી ધન્ય બનશેઃ સર્વત્ર ‘રાધે રાધે’ ના નાદ ગૂંજશે : સમગ્ર સૌરાષ્ટ્ર-રાજકોટ કૃષ્ણમય બની જશે
• શોભાયાત્રામાં બાઇક ઉપરાંત વિન્ટેજ કાર, મર્સીડીસ, ઓડી, બીએમ ડબલ્યુ, મારૂતિ, હ્યુનડાઇ સહિતની ગાડીઓનો વિશાળ કાફલો, રથ, બગી, ઘોડાગાડી સહિતના આકર્ષણો જમાવટ કરશે: મહિલા મંડળો ટ્રેડીશનલ ડ્રેસમાં રાસ-ગરબાની રમઝટ બોલાવશે.
• પવિત્ર પોથીજીને વાજતે-ગાજતે વ્યાસપીઠ સુધી લઇ જવાશે : અદ્યતન સાઉન્ડ સીસ્ટમ ધરાવતા ડી.જે.ના સથવારે વિરાણી ચોકથી શરૂ કરીને યાજ્ઞિક રોડ, જાગનાથ મંદિર થઇને વિશાળ શોભાયાત્રા રેસકોર્ષ પહોંચશે.
• લોહાણા મહાજન પ્રમુખ રાજુભાઈ પોબારૂ અને કારોબારી પ્રમુખ ડો. નિશાંતભાઇ ચોટાઇ સહિતનું ટ્રસ્ટી મંડળ- ટીમ સુપર-ડુપર-શિસ્તબદ્ધ આયોજન કરવા કટીબદ્ધ