Nylon Sev Recipe: નાયલોન સેવ બનાવવાની રીત

નાયલોન સેવની સામગ્રી

• ચણાનો લોટ
• મીઠું.
• હિંગ
• હળદર
• પાણી
• તેલ

નાયલોન સેવ બનાવવાની રીત

લોટ તૈયાર કરવો

• ચાળેલા ચણાના લોટમાં સવા ટીસ્પૂન જેટલું મીઠું, અડધી ટીસ્પૂન જેટલી હિંગ અને જો કલર જોઈતો હોય તો એક ચપટી જેટલી હળદર ઉમેરીને મિક્સ કરી દો.
• હવે તેમાં થોડું થોડું પાણી ઉમેરતા જઈને લોટ બાંધવાનો છે. ચણાનો લોટ ચીકણો હોય છે, એટલે પાણી ખૂબ ધ્યાન રાખીને ઉમેરવું.
• લોટ અહીંયા રોટલીના લોટ જેવો સોફ્ટ હોય એવો રાખવાનો છે, રોટલીના લોટથી પણ થોડો સોફ્ટ. તે એકદમ ઢીલો કે કઠણ બિલકુલ નથી રાખવાનો.
• જો લોટ બાઉલની સાઈડમાં વધારે પડતો ગયો હોય તો ચમચીની મદદથી તેને એકસાથે મિક્સ કરી દેવો. તમે તેમાં થોડું તેલ પણ ઉમેરી શકો છો. લોટ બાંધવામાં લગભગ પાંચેક મિનિટ જેવો સમય લાગશે.

સંચામાં લોટ ભરવો

• હવે સેવ પાડવા માટેનો સંચો લઈ લો. સંચામાં તમને જોઈતી જાડાઈની (એકદમ ઝીણી, થીક કે મીડીયમ) રીંગ ફિટ કરી દેવી.
• સંચાને હલકો તેલથી ગ્રીસ કરી લેવાનો.
• તૈયાર કરેલા લોટને હાથને થોડા તેલવાળા કરી એનો રોલ બનાવી લો.
• તૈયાર કરેલો લોટનો રોલ સંચામાં ભરી દેવો અને સંચાને બંધ કરી દેવો.

સેવ તળવી

• સેવ તળવા માટે તેલ ગરમ કરી લેવાનું છે.
• તેલ એકવાર ગરમ થઈ જાય એટલે ગેસની ફ્લેમ સ્લો કરી દેવાની.
• સંચાને પ્રેસ કરીને, દોઢ રાઉન્ડ (એકવાર આખો અને પછી અડધો રાઉન્ડ) ફેરવીને, સેવને કડાઈમાં પાડી દો. આ રીતે પરફેક્ટ સેવનો શેપ કડાઈમાં આવી જશે.
• સેવને મીડીયમ ફ્લેમ પર એક મિનિટ જેવી ફ્રાય કરવાની છે.
• સેવને બહુ લાલ નથી થવા દેવાની, પીળો જ કલર રહેવા દેવાનો છે.
• તળાવામાં લગભગ બે જ મિનિટનો સમય લાગશે.
• તળેલી સેવને કિચન પેપર પર કાઢી લેવી. તૈયાર છે તમારી નાયલોન સેવ.