Rubicon Research IPO GMP: આજથી ઓપન થયો રૂબીકોન રિસર્ચ IPO, GMP રોકેટની સ્પીડે વધ્યો
રૂબીકોન રિસર્ચ કંપનીનો પ્રારંભિક જાહેર ભરણાં (IPO) આજે, 9 ઓક્ટોબર 2025ના રોજ સબસ્ક્રિપ્શન માટે ખુલ્યો છે. આ ઇશ્યૂ દ્વારા કંપનીનું ઉદ્દેશ્ય ભારતીય બજારમાંથી કુલ ₹1,377.5 કરોડ એકત્ર કરવાનો છે. રૂબીકોન રિસર્ચનો આ IPO મિશ્ર સ્વરૂપનો છે, જેમાં નવા ઇક્વિટી શેરના જારીકરણ સાથે વેચાણ માટેની ઓફર (OFS) દ્વારા પણ શેર વેચાણ કરવામાં આવશે. આ આર્ટિકલમાં જાણો રુબીકોન રિસર્ચ IPOનું પ્રાઇસ બેન્ડ, લેટેસ્ટ GMP અને મહત્વની તારીખ સહિતની જાણકારી.
Rubicon Research IPO: પ્રાઇસ બેન્ડ
Rubicon Research IPO પ્રાઇસ બેન્ડ શેર દીઠ રૂ. 461-485 છે. એક એપ્લિકેશન સાથે મહત્તમ લોટ સાઈઝ 30 શેર છે. રિટેલ રોકાણકારો માટે ન્યૂનતમ રોકાણની રકમ 14,550 રૂપિયા છે.
Rubicon Research IPO: લેટેસ્ટ GMP
ગ્રે માર્કેટમાં, રુબીકોન રિસર્ચનો શેર IPOના અપર પ્રાઇસ બેન્ડમાં રૂ. 461 થી રૂ. 485 સુધીના 20.21%ના પ્રીમિયમ પર ટ્રેડ કરી રહ્યો છે. આના આધારે, શેર 583 રૂપિયાની કિંમતે લિસ્ટ થઈ શકે છે. જો કે, આ એક અનુમાન છે.
Rubicon Research IPO: મહત્વપૂર્ણ તારીખો
Rubicon Research IPO સબ્સ્ક્રિપ્શન માટે આજે 09 ઓક્ટોબરના રોજ ઓપન થયો છે. જેને 13 ઓક્ટોબર, 2025 સુધી ભરી શકાશે. શેર એલોટમેન્ટ 14 ઓક્ટોબરના રોજ થશે, જ્યારે BSE, NSE પર શેર લિસ્ટિંગ 16 ઓક્ટોબરના રોજ થશે.
Rubicon Research IPO: કંપની શું કરે છે?
રૂબીકોન રિસર્ચ એક ફાર્માસ્યુટિકલ ફોર્મ્યુલેશન કંપની છે, જે સંશોધન અને નવીનતા પર ખાસ ધ્યાન આપે છે. તેના ઉત્પાદન પોર્ટફોલિયોમાં વિશિષ્ટ દવાઓ અને દવા-ઉપકરણ સંયોજનોનો સમાવેશ થાય છે. કંપની મુખ્યત્વે અમેરિકન બજાર માટે ઉત્પાદનો વિકસાવે અને બનાવે છે.
જૂન 2025માં, રૂબીકોન રિસર્ચે મધ્યપ્રદેશના પીથમપુર ખાતે સ્થિત અલ્કેમ લેબોરેટરીઝની ફોર્મ્યુલેશન ફેક્ટરી રૂ. 149 કરોડમાં હસ્તગત કરી હતી. હાલમાં કંપની પાસે ભારત અને કેનેડામાં USFDA-મંજૂર થયેલી બે R&D સુવિધાઓ છે. આ ઉપરાંત, ભારતમાં આવેલી તેની બે ઉત્પાદન એકમોને USFDA, મહારાષ્ટ્ર FDA અને હેલ્થ કેનેડાની મંજૂરી પ્રાપ્ત છે.
