બીજી વખત માતા બનવા જઈ રહી છે સોનમ કપૂર, બેબી બમ્પ ફ્લોન્ટ કરીને આપ્યા ગુડ ન્યૂઝ
લાંબા સમયથી સોનમ કપૂરને લઈને પ્રેગ્નન્સીના સમાચાર ચર્ચામાં હતા. જોકે અત્યાર સુધી અભિનેત્રીએ આ અંગે કોઈ ટિપ્પણી કરી ન હતી. પરંતુ હવે સોનમે પોતાની કેટલીક તસવીરો શેર કરીને બીજી પ્રેગ્નન્સીની સત્તાવાર જાહેરાત કરી છે. અભિનેત્રીની આ પોસ્ટ પર ચાહકોથી લઈને સેલેબ્સ સુધીના તમામ લોકો તેમને અભિનંદન આપી રહ્યા છે.
પિન્ક આઉટફિટમાં બેબી બમ્પનું પ્રદર્શન

સોનમે જે તસવીરો શેર કરી છે, તેમાં તે પિન્ક (ગુલાબી) આઉટફિટમાં જોવા મળી રહી છે. જેમાં તે બેબી બમ્પ ફ્લોન્ટ કરી રહી છે. આ તસવીરો શેર કરતી વખતે સોનમે માત્ર ‘મધર’ લખીને કિસ ઇમોજી શેર કરી છે. સોનમે પહેરેલો આ આઉટફિટ ખૂબ જ ખાસ છે, કારણ કે તે સ્વર્ગસ્થ ડિઝાઇનર માર્ગ્રેતા દ્વારા ડિઝાઇન કરવામાં આવ્યો હતો.
સોનમની આ ખુશખબરીભરી પોસ્ટ પર તરત જ ચાહકોની સાથે સાથે સેલેબ્સે પણ શુભેચ્છાઓ પાઠવી. સોનમના પતિ આનંદે આ પોસ્ટ પર ટિપ્પણી કરી અને લખ્યું કે ડબલ ટ્રબલ. અભિનેત્રી પ્રિયંકા ચોપરાએ સોનમ અને આનંદ બંનેને અભિનંદન પાઠવ્યા હતા. કરીના કપૂરે હૃદયના ઇમોજી સાથે લખ્યું કે સોના અને આનંદ.
