કંગનાનું નિવેદન વાયરલ: એશિયન પરિવારમાં દીકરા-દીકરીના ભેદભાવ પર ખુલ્લું મંતવ્ય
‘બીજી દીકરીના જન્મ બાદ ભેદભાવ સ્પષ્ટ જાેવા મળે છે’કંગનાએ દીકરા-દીકરીમાં ભેદભાવ પર મંતવ્ય આપ્યુંકંગના રનૌતે એશિયન પરિવારોમાં દીકરાની ઇચ્છા અને દીકરા-દીકરીના ઉછેરમાં ભેદભાવ વિશે ખૂલીને વાત કરીબોલિવૂડ એક્ટ્રેસ અને ભાજપ સાંસદ કંગના રનૌત હાલમાં પોતાની ફિલ્મો કરતાં પોતાના નિવેદનોને કારણે વધુ ચર્ચામાં છે. ફરી એકવાર તેનું એક નિવેદન સોશિયલ મીડિયા પર વાયરલ થઈ રહ્યું છે, જેમાં તેણે દીકરાની ઇચ્છા અને એશિયન પરિવારમાં દીકરા-દીકરી વચ્ચે ભેદભાવ વિશે ખૂલીને વાત કરી છે. આ નિવેદને ન માત્ર બોલિવૂડ પરંતુ સોશિયલ મીડિયા પર પણ ચર્ચા શરૂ કરી દીધી છે.
કંગના રનૌતે એશિયન પરિવારોમાં દીકરાની ઇચ્છા અને દીકરા-દીકરીના ઉછેરમાં ભેદભાવ વિશે ખૂલીને વાત કરી છે.‘બીજી દીકરીના જન્મ બાદ ભેદભાવ સ્પષ્ટ જાેવા મળે છે’‘ટાઇમ્સ નાઉ’માં પ્રકાશિત થયેલા એક અહેવાલ મુજબ, કંગના રનૌતે તાજેતરમાં એક ઇન્ટરવ્યૂમાં જણાવ્યું હતું કે, એશિયન સમાજમાં દીકરી પછી દીકરાની ઇચ્છા હોવા સામાન્ય વાત છે. તેણે કહ્યું, ‘દરેક એશિયન ઘર સાથે તમે કનેક્ટ કરી શકો છો. એક તો તમારી એક દીકરી હોય છે અને ત્યારબાદ બીજી પણ દીકરી જ જન્મે છે. બની શકે કે, જે લોકો વધુ ભણેલા છે, તે દેખાડવા ઇચ્છતા હોય કે તેમને કોઈ ફરક પડતો નથી.
પરંતુ હું જણાવી દઉં કે દરેકને ફરક પડે છે, એક્ટર્સ હોય, એક્ટ્રેસિસ હોય કે મોટો પરિવાર હોય, તમામને ફરક પડે છે.’કંગનાએ એ પણ સ્પષ્ટ કર્યું કે, પહેલી દીકરીના જન્મ બાદ આ ભેદભાવ જાેવા મળતો નથી, પરંતુ બીજી દીકરીના જન્મ બાદ મોટાભાગે આ વાત સ્પષ્ટ જાેવા મળે છે.કંગનાએ વધુમાં જણાવ્યું કે, તે એવા લોકોને ઓળખે છે, જે દાવો કરે છે કે તેઓ દીકરી અને દીકરા વચ્ચે ભેદ રાખતા નથી, પરંતુ વાસ્તવિકતા અલગ છે. તે માને છે કે, બોલિવૂડ હોય કે રાજકારણ, શ્રીમંત પરિવારો હોય કે સામાન્ય ઘરો, દીકરાની ઈચ્છા અને દીકરી પછી ભેદભાવ સામાન્ય છે.
તેણે એમ પણ કહ્યું કે, ‘બોલિવૂડ ઇન્ડસ્ટ્રીમાં પણ આ સ્પષ્ટ જાેવા મળે છે, જ્યાં દીકરી કરતાં દીકરાની ઈચ્છા વધુ સામાન્ય છે.’કંગના રનૌતનું આ નિવેદન સોશિયલ મીડિયા પર વાયરલ થઈ રહ્યું છે. આજે પણ દીકરીઓ અને દીકરાઓ વચ્ચે ભેદભાવ કેટલો સામાન્ય છે, તે અંગે લોકો પોતાના મંતવ્યો વ્યક્ત કરી રહ્યા છે. ઘણા લોકોએ કંગનાના નિવેદનને સમર્થન આપતા કહ્યું છે કે તે સાચું છે. તે જ સમયે, કેટલાક લોકોએ વાંધો ઉઠાવતા કહ્યું છે કે, આજના સમયમાં આવી વિચારસરણી બદલાઈ રહી છે.કંગના રનૌતનું આ નિવેદન ફક્ત બોલિવૂડ જ નહીં પરંતુ સમગ્ર સમાજમાં દીકરીઓ અને દીકરાઓ વચ્ચે હજુ પણ કેટલો ભેદભાવ છે તેની ઝલક આપે છે. તેનું આ નિવેદન લોકોને વિચારવા માટે મજબૂર કરી રહ્યું છે અને દીકરી કરતાં દીકરાની ઈચ્છા હજુ પણ સામાન્ય છે કે કેમ તે અંગે ચર્ચા શરૂ કરી રહ્યું છે.
