70th Filmfare Awards 2025: ‘લાપતા લેડીઝ’નો રેકોર્ડ, શાહરુખ-કાજોલનું શાનદાર પરફોર્મ, ઝીનત અમાનને લાઈફ ટાઈમ અચીવમેન્ટ એવોર્ડ
ગુજરાતના અમદાવાદમાં 70મો ફિલ્મફેર એવોર્ડ આજે યોજાયો હતો. કાંકરિયા ખાતે એકા ક્લબ ખાતે તેનું ગ્રાન્ડ આયોજન કરવામાં આવ્યું હતું.આ વર્ષે ફિલ્મફેરની સાંજ ‘લાપતા લેડીઝ’ ના નામે રહી હતી. આ સાથે જ સિનેમામાં દાયકાઓ સુધી પોતાનું યોગદાન આપનાર અભિનેત્રી ઝીનત અમાન અને શ્યામ બેનેગલને પણ લાઈફટાઈમ અચીવમેન્ટ એવોર્ડથી સન્માનિત કરવામાં આવ્યા હતા. સેરેમનીની શરૂઆતમાં શાહરુખ ખાને ગ્રાન્ડ એન્ટ્રી કરી હતી. જુઓ વીડિયો
શાહરુખ-કાજોલનું શાનદાર પરફોર્મ
70મા ફિલ્મફેર પુરસ્કારોમાં શાહરૂખ ખાન અને કાજોલે કભી ખુશી કભી ગમ, કુછ કુછ હોતા હૈ અને દિલવાલે દુલ્હનિયા લે જાયેંગે ગીત પર શાનદાર ડાન્સ પરફોર્મેન્સ આપ્યું હતું.
‘લાપતા લેડીઝ’ને સૌથી વધુ 14 એવોર્ડ
70માં ફિલ્મફેર એવોર્ડનું હોસ્ટિંગ શાહરૂખ ખાન અને કરણ જોહર દ્વારા કરવામાં આવ્યું હતું. આ વર્ષે જે ફિલ્મને અને તેની કાસ્ટને સૌથી વધુ નોમિનેશનમાં સ્થાન મળ્યું, તે આમિર ખાન નિર્મિત ફિલ્મ ‘લાપતા લેડીઝ’ હતી.
આ સાથે જ દિવંગત અભિનેત્રી નૂતન અને દિવંગત ફિલ્મ નિર્માતા બિમલ રાયને પણ શ્રદ્ધાંજલિ આપવામાં આવી હતી. આ સમારોહમાં દિલિપ કુમારના બેજોડ વારસાની પણ ઉજવણી કરવામાં આવી હતી.
શાહરૂખ ખાન દિલીપ કુમાર સાથેની યાદો વાગોળી
બીમાર હોવાને કારણે દિલીપ કુમારના પત્ની (સાયરા બાનુ) આ સમારોહનો ભાગ બની શક્યા નહોતા. તેથી શાહરૂખ ખાને તેમની જગ્યાએ એવોર્ડ સ્વીકાર્યો હતો. એવોર્ડ લેતી વખતે શાહરૂખ ખાને તે ક્ષણને યાદ કરી જ્યારે તેઓ દિલીપ કુમાર અને સાયરા બાનુને મળવા તેમના ઘરે ગયા હતા. શાહરૂખે જણાવ્યું હતું કે તે સમયે દિલીપ કુમારે તેમના માથા પર હાથ ફેરવતા કહ્યું હતું કે જો તેમનો પુત્ર હોત તો તે બિલકુલ તેમના જેવો જ હોત.
જયા બચ્ચનને સિને આઇકન એવોર્ડ
હિન્દી સિનેમામાં તેમના અસાધારણ યોગદાન બદલ સિને આઇકન એવોર્ડ્સથી સન્માનિત થયેલા જયા બચ્ચને ભારતીય ફિલ્મ ઈન્ડસ્ટ્રીને ‘બોલીવુડ’ કહેવા પર નારાજગી વ્યક્ત કરી હતી. તેમણે વિનંતી કરી કે આ ઈન્ડસ્ટ્રીને આ નામ ન આપવામાં આવે. જયા બચ્ચને કહ્યું કે 55 વર્ષથી ફિલ્મ ઇન્ડસ્ટ્રીમાં છું. આ ન હોલીવુડ છે કે ન બોલીવુડ. આ હિન્દી ઇન્ડિયન ફિલ્મ ઇન્ડસ્ટ્રી છે. કલાકાર, લેખક, દિગ્દર્શક જેટલા લોકો અહીં બેઠા છે, જે આ જગ્યાને બોલીવુડ કહે છે. હું તમને વિનંતી કરીશ કે કૃપા કરીને આવું ન કરો.
આ ઉપરાંત અમિતાભ બચ્ચનના 83મા જન્મદિવસ નિમિત્તે અભિષેક બચ્ચને સ્ટેજ પર તેમના માટે એક ડાન્સ પર્ફોર્મન્સ પણ આપ્યું હતું.
રવિ કિશનને બેસ્ટ સપોર્ટિંગ રોલ માટે એવોર્ડ
ફિલ્મ ‘લાપતા લેડીઝ’ માટે અભિનેતા રવિ કિશનને બેસ્ટ સપોર્ટિંગ રોલ માટે ફિલ્મફેર એવોર્ડ એનાયત કરવામાં આવ્યો હતો. રવિ કિશન તેમની પત્ની સાથે આ એવોર્ડ સમારોહમાં પહોંચ્યા હતા. છાયા કદમને પણ ફિલ્મ ‘લાપતા લેડીઝ’ માટે બેસ્ટ સપોર્ટિંગ રોલની શ્રેણીમાં ફિલ્મફેર એવોર્ડ મળ્યો હતો.
છાયા કદમ સ્ટેજ પર ભાવુક થઈ
એવોર્ડ લેતી વખતે છાયા કદમ સ્ટેજ પર ભાવુક થઈ ગયા હતા. છાયા કદમે કિરણ રાવનો આભાર માન્યો અને કહ્યું કે તેમનો એવોર્ડ તે લોકો માટે છે જે વર્ષોથી ઇન્ડસ્ટ્રીમાં કામ કરી રહ્યા છે. આ દરમિયાન શાહરૂખ ખાને છાયા કદમને ગળે લગાવ્યા હતા, જેના પર અભિનેત્રીએ કહ્યું કે શાહરૂખે મને ગળે લગાવી, મને એક સાથે બે એવોર્ડ મળી ગયા.
70th Filmfare Awards 2025 Winners List
- બેસ્ટ ફિલ્મ: લાપતા લેડીઝ
- બેસ્ટ ડિરેક્ટર: કિરણ રાવ (લાપતા લેડીઝ)
- બેસ્ટ એક્ટર: કાર્તિક આર્યન (ચંદુ ચેમ્પિયન) અને અભિષેક બચ્ચન (આઈ વોન્ટ ટુ ટોક)
- બેસ્ટ એક્ટ્રેસ: આલિયા ભટ્ટ (જિગરા)
- બેસ્ટ એક્ટર (ક્રિટીક્સ): રાજકુમાર રાવ (શ્રીકાંત)
- બેસ્ટ એક્ટ્રેસ (ક્રિટીક્સ): પ્રતિભા રાંટા (લાપતા લેડીઝ)
- બેસ્ટ એક્ટર ઇન ડેબ્યૂ: લક્ષ્ય લાલવાની (કિલ)
- બેસ્ટ એક્ટ્રેસ ઇન ડેબ્યૂ: નિતાંશી ગોયલ (લાપતા લેડીઝ)
- બેસ્ટ એક્ટર ઇન સપોર્ટિંગ રોલ એક્ટ્રેસ: છાયા કદમ (લાપતા લેડીઝ)
- બેસ્ટ એક્ટર ઇન સપોર્ટિંગ રોલ એક્ટર: રવિ કિશન (લાપતા લેડીઝ)
- બેસ્ટ ડેબ્યૂ ડિરેક્ટર: કુણાલ ખેમુ (મડગાંવ એક્સપ્રેસ) અને આદિત્ય સુહાસ જંભાલે (આર્ટિકલ 370)
- બેસ્ટ ફિલ્મ (ક્રિટીક્સ): શૂજિત સરકાર (આઈ વોન્ટ ટુ ટોક)
