Tata Capital IPO GMP: 2025નો સૌથી મોટો IPO આજથી ખુલ્યો, જાણો પ્રાઇસ બેન્ડ, લેટેસ્ટ GMP
ટાટા ગ્રુપની ફાઇનાન્સિયલ સર્વિસિસ કંપની ટાટા કેપિટલનો ઇનિશિયલ પબ્લિક ઓફરિંગ (IPO) રિટેલ રોકાણકારો માટે આજે, 6 ઓક્ટોબરથી ખુલી ગયો છે. રોકાણકારો 8 ઓક્ટોબર, 2025 સુધી આ IPOમાં દાવ લગાવી શકશે. જોકે, IPO ખુલવાના સમયની આસપાસ ગ્રે માર્કેટ પ્રીમિયમ (GMP)માં સતત ઘટાડો જોવા મળ્યો છે, જે રોકાણકારો માટે ચિંતાનો વિષય બન્યો છે. ટાટા કેપિટલ આ IPO દ્વારા ₹15,511.87 કરોડ એકત્ર કરવાના લક્ષ્ય સાથે બજારમાં ઉતરી છે. કંપની આ ઇશ્યૂમાં 21 કરોડ ફ્રેશ શેર અને ઓફર ફોર સેલ (OFS) દ્વારા 26.58 કરોડ શેર જારી કરશે. નોંધનીય છે કે, ટાટા સન્સ પણ ઓફર ફોર સેલ (OFS) રૂટ દ્વારા તેના હિસ્સાનું વેચાણ કરી રહી છે.
આ એક મુખ્ય બોર્ડ IPO છે. તેથી, ટાટા કેપિટલના શેર બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE), એમ બંને પર લિસ્ટેડ થશે. આ આર્ટિકલમાં જાણો ટાટા કેપિટલ IPOનું પ્રાઇસ બેન્ડ, લેટેસ્ટ GMP અને મહત્વની તારીખ સહિતની જાણકારી.
Tata Capital IPO: પ્રાઇસ બેન્ડ
Tata Capital IPO પ્રાઇસ બેન્ડ શેર દીઠ રૂ. 310-326 છે. એક એપ્લિકેશન સાથે મહત્તમ લોટ સાઈઝ 46 શેર છે. રિટેલ રોકાણકારો માટે ન્યૂનતમ રોકાણની રકમ 14,996 રૂપિયા છે.
Tata Capital IPO: લેટેસ્ટ GMP
ગ્રે માર્કેટમાં, ટાટા કેપિટલનો શેર IPOના અપર પ્રાઇસ બેન્ડમાં રૂ. 310 થી રૂ. 326 સુધીના 2.15%ના પ્રીમિયમ પર ટ્રેડ કરી રહ્યો છે. આના આધારે, શેર 333 રૂપિયાની કિંમતે લિસ્ટ થઈ શકે છે. જો કે, આ એક અનુમાન છે.
Tata Capital IPO: મહત્વપૂર્ણ તારીખો
Tata Capital IPO સબ્સ્ક્રિપ્શન માટે આજે 06 ઓક્ટોબરના રોજ ઓપન થયો છે. જેને 08 ઓક્ટોબર, 2025 સુધી ભરી શકાશે. શેર એલોટમેન્ટ 09 ઓક્ટોબરના રોજ થશે, જ્યારે BSE, NSE પર શેર લિસ્ટિંગ 13 ઓક્ટોબરના રોજ થશે.
Tata Capital IPO: એન્કર રોકાણકારો પાસેથી ₹4,641 કરોડ એકત્ર કર્યા
IPO ખુલતા પહેલા, ટાટા કેપિટલે એન્કર રોકાણકારો પાસેથી સફળતાપૂર્વક ₹4,641 કરોડ એકત્ર કર્યા છે. કંપનીએ એન્કર રોકાણકારોને કુલ 14.23 કરોડ શેર ફાળવ્યા છે. આ એન્કર ઇન્વેસ્ટર્સની યાદીમાં લાઇફ ઇન્શ્યોરન્સ કોર્પોરેશન (LIC) એ સૌથી મોટો હિસ્સો ખરીદ્યો છે. રાજ્યની માલિકીની આ વીમા કંપનીએ ટાટા કેપિટલમાં ₹700 કરોડનું મોટું રોકાણ કર્યું છે.
