ભારત આજે UAE સામે એશિયા કપ અભિયાનની શરૂઆત કરશે, કોને મળશે પ્લેઇંગ 11માં જગ્યા?
ભારત અને UAE વચ્ચેની આ મેચ આજે, 10 સપ્ટેમ્બરના રોજ દુબઈ ઇન્ટરનેશનલ ક્રિકેટ સ્ટેડિયમમાં રમાશે. ભારતીય સમય અનુસાર મેચ રાત્રે 8 વાગ્યે શરૂ થશે, જ્યારે ટોસ સાંજે 7:30 વાગ્યે થશે. ભારતીય ક્રિકેટ ટીમ એશિયા કપ 2025માં પોતાના અભિયાનની શરૂઆત આજે યજમાન UAE સામે કરશે. આ મેચ ભારતીય ટીમ માટે એક રીતે ‘ડ્રેસ રિહર્સલ’ જેવી છે, જેમાં મુખ્ય પડકાર શ્રેષ્ઠ પ્લેઇંગ-11 પસંદ કરવાનો રહેશે. ટીમમાં ચાર ખેલાડીઓ વચ્ચે સ્થાન મેળવવા માટે મુખ્ય સ્પર્ધા છે: ઓપનર શુભમન ગિલ અને સંજુ સેમસન, તેમજ સ્પિનરો વરુણ ચક્રવર્તી અને કુલદીપ યાદવ.
IND vs UAE હેડ ટુ હેડ રેકોર્ડ
ભારત અને UAE અત્યાર સુધી T20I ફોર્મેટમાં માત્ર એક જ વખત સામ-સામે આવ્યા છે, જેમાં ભારતનો વિજય થયો હતો. આ એકમાત્ર મુકાબલો 2016માં થયો હતો, જ્યાં UAEની ટીમ 81/9 રન જ બનાવી શકી હતી અને ભારતે 11 ઓવરમાં જ સરળતાથી ટાર્ગેટ હાંસલ કરી લીધો હતો.
બંને ટીમોની સંભવિત XI
ભારત: શુભમન ગિલ (vc), અભિષેક શર્મા, તિલક વર્મા, સૂર્યકુમાર યાદવ (C), હાર્દિક પંડ્યા, જીતેશ શર્મા (wk), શિવમ દુબે, અક્ષર પટેલ, જસપ્રિત બુમરાહ, અર્શદીપ સિંહ, વરુણ ચક્રવર્તી.
UAE: મુહમ્મદ વસીમ (C), આલીશાન શરાફુ, મુહમ્મદ ઝોહૈબ, રાહુલ ચોપરા (wk), આસિફ ખાન, હર્ષિત કૌશિક, મુહમ્મદ ફારૂક, સગીર ખાન, હૈદર અલી, જુનેદ સિદ્દીક, મુહમ્મદ જવાદુલ્લાહ.
પિચ રિપોર્ટ: દુબઈની પિચ કેવી હશે?
દુબઈ ઇન્ટરનેશનલ સ્ટેડિયમની પિચ સામાન્ય રીતે ધીમી માનવામાં આવે છે, જે સ્પિનરો માટે મદદગાર સાબિત થાય છે. શરૂઆતમાં ફાસ્ટ બોલર્સને પણ થોડી મદદ મળી શકે છે, પરંતુ જેમ જેમ મેચ આગળ વધે છે તેમ તેમ સ્પિનરોનો દબદબો વધે છે. અહીં ટાર્ગેટ ચેઝ કરવો બેટ્સમેન માટે પડકારરૂપ બની શકે છે.
IND vs UAEની મેચ ક્યારે અને ક્યાં જોઈ શકાશે?
ભારત અને UAE વચ્ચેની આ મેચ આજે, 10 સપ્ટેમ્બરના રોજ દુબઈ ઇન્ટરનેશનલ ક્રિકેટ સ્ટેડિયમમાં રમાશે. ભારતીય સમય અનુસાર મેચ રાત્રે 8 વાગ્યે શરૂ થશે, જ્યારે ટોસ સાંજે 7:30 વાગ્યે થશે. મેચનું લાઇવ ટેલિકાસ્ટ સોની સ્પોર્ટ્સ નેટવર્ક પર અને લાઇવ સ્ટ્રીમિંગ સોની લિવ એપ અને વેબસાઇટ પર ઉપલબ્ધ રહેશે.
એશિયા કપ 2025 માટે ભારતીય ટીમ: સૂર્યકુમાર યાદવ (કેપ્ટન), શુભમન ગિલ, અભિષેક શર્મા, તિલક વર્મા, હાર્દિક પંડ્યા, જીતેશ શર્મા, શિવમ દુબે, અક્ષર પટેલ, જસપ્રીત બુમરાહ, અર્શદીપ સિંહ, વરુણ ચક્રવર્તી, કુલદીપ યાદવ, હર્ષિત રાણા, સંજુ સેમસન, રિંકુ સિંહ.
એશિયા કપ 2025 માટે UAEની ટીમ: મોહમ્મદ વસીમ (કેપ્ટન), અલીશાન શરાફુ, આર્યનશ શર્મા, આસિફ ખાન, ધ્રુવ પરાશર, એથન ડિસોઝા, હૈદર અલી, હર્ષિત કૌશિક, જુનૈદ સિદ્દીકી, મતિઉલ્લાહ ખાન, મોહમ્મદ ફારૂક, મોહમ્મદ જાવદુલ્લાહ, મોહમ્મદ ઝોહૈબ, રાહુલ ચોપરા, રોહિત ખાન, સિમરનજીત સિંહ, સગીર ખાન.
