GST ઘટાડાથી ઓટો ઇન્ડસ્ટ્રીમાં તેજી, કાર પર ₹3 લાખ અને ટુ-વ્હીલર પર ₹15,000 ફાયદો.
GST ટેક્સ સ્લેબમાં કરવામાં ઘટાડાને સર્વત્ર આવકાર.હવે ટુ-વ્હિલર પર ૧૫ હજાર અને ફોર વ્હિલર કાર પર ૩ લાખ રૂપિયા સુધીનો ફાયદા.કેન્દ્ર સરકાર દ્વારા ય્જી્ ટેક્સ સ્લેબમાં કરવામાં ઘટાડાને સર્વત્ર આવકાર મળી રહ્યોં છે. ત્યારે આ નવા GST સ્લેબને કારણે ઑટો ઇન્ડસ્ટ્રીઝપર શું અસર થશે તે અંગેની માહિતી હાલ ગુજરાત ઑટો ઇન્ડસ્ટ્રીઝના પ્રમુખ પ્રણવ શાહે જણાવી છે. તેઓના મતે આ નવા GST સ્લેબને કારણે હવે ટુ વ્હીલર ખરીદનારને ૧૫૦૦૦ રૂપિયા સુધીનો, જ્યારે ફોર વ્હીલર કારમાં ૩ લાખ રૂપિયા સુધીનો ઘટાડો જાેવા મળશે. જેથી હવે આગામી સમય ઓટો મોબાઈલ ઇન્ડસ્ટ્રીઝ માટે અચ્છે દિન જેવો સાબિત થશે.
આ અંગે વધુ માહિતી આપતા પ્રણવ શાહે જણાવ્યું કે, ગુજરાત રાજ્યમાં દર મહિને સરેરાશ રુ. ૧ લાખથી વધારે ટુ-વ્હીલર અને ૩૦ હજારથી વધારે ફોર વ્હીલરનું વેચાણ થાય છે. તેમાં પણ જાે કોઈ તહેવાર હોય, ત્યારે વેચાણમાં ૧૫થી ૨૦ ટકાનો વધારો જાેવા મળતો હોય છે. માટે સામાન્ય રીતે તહેવારો આવે એટલે ઓટો ઇન્ડસ્ટ્રીઝ માટે પણ એક આસાનું કિરણ લઈને આવતું હોય છે, પરંતુ ઓગસ્ટ મહિનો તહેવારોથી ભરપૂર ગયો હોવા છતાં ઓટો ઇન્ડસ્ટ્રીને ફળ્યો નથી. કારણ કે GST ઘટાડાની અસમંજસતાને લઈને ટુ વ્હીલરમાં ૧૦ ટકા, જ્યારે ફોર વ્હીલરના વેચાણમાં ૨૦ ટકાનો ઘટાડો નોંધાયો હતો.
વધુમાં તેઓએ ઉમેર્યું કે, વડાપ્રધાન નરેન્દ્ર મોદીએ ગત ૧૫મી ઓગસ્ટે અને ત્યાર બાદ ગુજરાત પ્રવાસ દરમિયાન અમદાવાદ ખાતે આયોજિત કાર્યક્રમમાં GST ઘટાડાના સંકેતો આપ્યા હતા. જેના કારણે લોકોએ પોતાનું નવું વાહન હવે નવા ભાવમાં જ ખરીદવા માટે મન બનાવ્યું હતું. જાેકે GST ઘટાડાની જાહેરતા થતા આ લોકોએ હાલ પોતાની ખરીદી પર બ્રેક મારીને છે અને નવા જીએસટી સ્લેબ લાગુ થયા બાદ પોતાનું નવું વાહન લેવાનું મન બનાવ્યું છે કારણ કે હવે નવા સ્લેબ મુજબ ખરીદદારોને ટુ વ્હીલરમાં અને ફોર વ્હીલરમાં મોટો ફાયદો મળી શકે.
ખાસ ઓટો મોબાઈલ ઈન્ડસ્ટ્રીઝમાં આમ જનતાને થનાર ફાયદા અંગે ગુજરાત ઑટો ઇન્ડસ્ટ્રીઝના પ્રમુખ પ્રણવ શાહે જણાવ્યું કે, હાલ નવા ય્જી્ સ્લેબ લાગુ થયા બાદ ટુ વ્હીલર ખરીદનારને ૭૦૦૦ રૂપિયાથી લઈને ૧૫૦૦૦ રૂપિયા સુધીનો, જ્યારે ફોર વ્હિલર કારમાં ૬૦ હજાર રૂપિયાથી લઈને ૩ લાખ રૂપિયા સુધીનો ઘટાડો જાેવા મળશે. એનો સીધો ફાયદો ગ્રાહકોને થવાનો છે.
