શાહરૂખ ખાન ઘરે કરી લક્ષ્મી પૂજા, પત્ની ગૌરી સાથે દીવા પ્રગટાવી દિવાળીની ઉજવણી કરી
શાહરૂખ ખાન સામાન્ય રીતે દિવાળી પર પાર્ટીઓનું આયોજન કરે છે અને ખૂબ સારી રીતે ઉજવણી કરે છે. પરંતુ આ વખતે શાહરૂખે દિવાળીની તદ્દન સાદી અને સરળ રીતે ઉજવણી કરી છે. શાહરૂખે પોતાના સોશિયલ મીડિયા પર એક તસવીર શેર કરી હતી, જે તેમના ઘરની છે અને તેમાં દિવાળીની પૂજા થતી જોવા મળી રહી છે. શાહરૂખે આ તસવીર પાછળથી ક્લિક કરી હતી, જેમાં તેમની પત્ની ગૌરી ખાન પૂજા કરતી જોવા મળી રહી છે.
શાહરૂખ ખાન ચાહકોને સંદેશ મોકલ્યો
આ તસવીર શેર કરતી વખતે શાહરૂખે એક સંદેશ પણ લખ્યો હતો. શાહરૂખે લખ્યું કે તમારા બધાને દિવાળીની શુભકામનાઓ! મા લક્ષ્મી તમને સમૃદ્ધિ અને ખુશી પ્રદાન કરે. સૌના માટે પ્રેમ, પ્રકાશ અને શાંતિની કામના કરું છું. શાહરૂખની આ પોસ્ટ પર લોકો ખૂબ જ પ્રતિક્રિયા આપી રહ્યા છે. કેટલાક લોકોને શાહરૂખનો આ અંદાજ ખૂબ પસંદ આવી રહ્યો છે, તો કેટલાક લોકો આના પર મિશ્ર પ્રતિભાવો આપી રહ્યા છે. જોકે શાહરૂખના ચાહકોને તેનો આ જ અંદાજ ખૂબ પસંદ છે કે તે દરેક ધર્મને માને છે અને પૂજા-પાઠ કરે છે.
સામાન્ય રીતે શાહરૂખના ઘરે દિવાળી પર દર વર્ષે પાર્ટીનું આયોજન થાય છે, પરંતુ આ વખતે તેમણે કોઈ ખાસ પૂજા-પાઠ કે પાર્ટી રાખી ન હતી. રિપોર્ટ્સમાં જણાવવામાં આવ્યું છે કે શાહરૂખ આ વખતે પોતાના ઘર ‘મન્નત’માં નથી. હકીકતમાં શાહરૂખના ઘર મન્નતમાં રેનોવેશન ચાલી રહ્યું છે, જેના કારણે શાહરૂખ હાલમાં પરિવાર સાથે ભાડાના મકાનમાં શિફ્ટ થયા છે. તેથી જ શાહરૂખે મોટા જ સાદા અંદાજમાં પોતાના ઘરે દિવાળીની પૂજા કરી, મીઠાઈ અને દીવા પ્રગટાવીને આ તહેવારની ઉજવણી કરી હતી.
તમને જણાવી દઈએ કે શાહરૂખ ટૂંક સમયમાં તેમની દીકરી સુહાના ખાન અને દીપિકા પાદુકોણ સાથે ફિલ્મ ‘કિંગ’ માં જોવા મળશે. આ ફિલ્મનું શૂટિંગ હાલમાં જોરશોરથી ચાલી રહ્યું છે.
